موقع الأجاويد
<div align="center">
<span style="color: rgb(0, 102, 0); font-family: Impact; font-size: 24px;"><strong><img src="http://i67.servimg.com/u/f67/13/77/25/41/oouu_o13.png" /><br />أدارة الموقع ترحب بكم </strong><br /><strong>نتمنى دعم الموقع </strong><br /><strong>والتسجيل باللغة العربية </strong><br /><strong>وتقديم ماهو مفيد للجميع </strong><br /><strong>أدارة الموقع</strong></span><br /><img src="http://i67.servimg.com/u/f67/13/77/25/41/ouoo_o10.png" /><br />
</div>


أهلا بك يا {زائر} في موقع الأجاويد ننتظر كل جديد منك
 
الرئيسيةالبوابةس .و .جبحـثالتسجيلدخول

أي أستفسار لاتترد باالأتصال بنا من من هنا أو من هنا    الأخوة الكرام بكم كبرنا وبكم سنكبر الموقع بدأ بالعمل نتمنى تقديم مابه الأفادة للجميع ونحن نقبل النصيحة   قبل البدء بكتابة أي موضوع البحث في الموقع عنه الموقع يحتوي على حوالي 110000 مساهمة وحوالي 9000 موضوع  الأخوة الكرام أنصكم جميع بأستخدام متصفح كوكل كرووم لأنه أفضل متصفح حالياً لخفته بتشيل أي موقع من هنا لتحميل البرنامج


شاطر | 
 

 فتحيه اجالها عريس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: فتحيه اجالها عريس   الإثنين سبتمبر 05, 2011 3:40 pm

فتحيه بدها اياك ضروري ولازم تشوفك اليوم، قالتلي صاحبتها ومشت ،

قلت لحالي اللهم اجعله خير ، اكيد في مصيبه محضرتها ( الليدي فتحيه ) يا رب تجيب العواقب سليمه

جهزت حالي وطلعت في الموعد والمكان المعتاد والا فتحيه قاعده

وبتستنى فيي على غير عادتها لاني انا دايما اللي بقعد وبستناها ، وقعدت بجنبها

-ليش تاخرت) ؟ ( قالتلي ست الحسن والجمال بدون ما تطلع في وجهي حتى )

-لا متأخرتش انت الي ايجيتي بكير ، خير شو في ؟

-(ومنين بدو يجي الخير طول مانا شايفه خلقتك البشعه ؟ ( قمة الرومانسيه )

-استغفر الله العظيم ، بلشنا يا فتحيه ؟

-شو ؟ أنا كفرت ؟

-فتحيه روقي انا مش ناقص هبلك

-اسمع : لازم تحط حد لهالعلاقه ؟

-فتحيه مالك ؟ ولك انجنيتي ؟

-هو انت خليت في راسي عقل ؟

-ليش هو كان فيه بالاصل ؟

-طب خلص

-ولك شو في احكي ؟

-الاسبوع الماضي اجو نسوان لعنا عالبيت عشان يشوفوني

-ليش هو انت صايره فرجه ؟

-متتخوثش

-(مش عمبتخوث بس حاسك الموناليزه جايين يشوفوكي ( وضحكت )

-عمبقلك متتخوثش لاكرفتك بالوادي ( شوفوا انتو الرقه ، وحده بتقول

لحبيبها بدي اكرفتك بالوادي )

-طيب احكيلي ليش اجو النسوان لعندكو؟

-قال عمبدورو وبدهن عرايس ( وهي تهرش براسها )

-وانت شو دخلك في الموضوع ؟ سألتها باستغراب

-بقلك جايات يشوفو بنات

-طيب ماشي فهمت ، بدهن بنات ، انت شو علاقتك في الموضوع ؟

-بدهن يشوفني انا

-انت ؟

-اه انا "قالتلي بثقه"

-ليش هو انت بنت ؟

-شو قصدك ؟

-لا لا ولا اشي ، طيب شو اللي بدك اياه ؟

-بدي تشوف حل لعلاقتنا مثل ما قلتلك
-وشو بدك اياني اعمل ؟
-تيجي وتطلبني يا اخي
-شو ؟ اطلبك ؟
-اه تطلبني ، ليش عورة والا كتعه انا يعني ؟
-ما حكيت هيك .... بس ...
-بس ايش ؟
-يا فتحيه يا حبيبتي انت عارفه اني بعدني طالب ومخلصتش ثانويه بعدني
-وشو يعني بنخطب وعبين ما تخلص دراسه بنتجوز
-اه يعني انا اسا اول ثانوي وبعد سنه بخلص ثانويه ولما اخلص جامعه بدها اربع خمس سنين وبعدها بدي اكون حالي يعني بدك تستنيني 15 سنه كمان
-15 سنه 15 سنه شو بدنا نساوي-
انت انجنيتي يا فتحيه ؟
-لا انجنيت ولا اشي -
طيب قومي قومي انقلعي روحي



ويا اخوان ما شفتها والا هي ماسكه بخناقي والشرر بطلع من عينيها ومدت ايدها عجيبتها والا هي مطلعه موس ، فتحته وحطته على رقبتي



-شوف ... بقظي عليك ... والله الذبان الازرق ما بخليه يعرف وين انت .. تراها مقبعه معاي عالاخر ( اكيد بتحسدوني على رقة ونعومة فتحيه )


-ولك انجنيتي ؟ فلتي رقبتي وشيلي هالموس
-سؤال واحد وجاوب عليه : انت بتحبني ؟
-الله يجعل حبه الي تطلع في راسك يا فتحيه يا مجنونه
-جاوب
-طبعا بحبك يا خوثه
-ليكون شايف حدا غيري ؟
-هو الي بشوفك بظل عنده نظر تيشوف غيرك ؟
-طيب بجوز يجيني عريس
-لا اتطمني مش رايح يجي حدا
-ولك انت شو بتقول ؟ والله صار جايني 20 عريس
-بس ولا واحد منهم رجع
-انا الي رفظتهم
-ايوه ... ايوه ... صدقتك
-وظحيت عشانك انت يا معفن -
طيب فلتيني وقيمي هالموس

دشرتني وظبت الموس في جيبتها ورجعت قعدت وطالت شريطه من جيبتها بتيجي قد اللحاف وصارت تمسح في منخيرها وتسمعني من هالسمفونيات الي بحبها قلبك

-فتحيه بدي احكيلك كلمه وبتمنى تفهميني صح ، شوفي يا بنت الناس انا شب لسا في اول حياتي لا فوقي ولا تحتي وانت بنت وبهمك مصلحتك قبل كل اشي ، وانا بقول اذا بيجيك عريس منيح وابن حلال ( لقطه يعني ) قربطي فيه بايديكي وسنانك لانها الدنيا حظوظ والله العالم شو رايح يصير معاي انا

-شو بتقصد ؟
-الله لا يوفقك يا فتحيه كل الي حكيته ومش فاهمه لسا ؟صرلي سيعه اكون جمله
-لا مش فاهمه-
طيب اسمعي ، احنا بنعرف انو في هالزمان ما عاد في عنتر حب عبله وقيس حب ليلى وروميو حب جولييت وكثير حب عزة ، قوليلي في واحد منهم اتجوز الي بحبها ؟ عنتر عمه رفضه لانه اسود وقيس انهبل ودار في الجبال وروميو قتل حاله بالسم وكثير مات وهو يحكي شعر في عزة ، يعني هذول كلهم نفدوا بجلدهم وانا الي لازم اكسر القاعده ولي على حظي
-والله مني فاهمه اشي
-هو انت من وينتا بتفهمي يا حبيبتي
-انا شو دخلني في عنتر وفي عنزة ؟-
عنزة ؟

عدلت فتحيه من قعدتها وطالت عن الارض حجر استغفر الله بيجي خمسه كيلو حطته في ايدها ،

قلت بعقلي يا ولد خليني اهدي اللعب والله ان ضربتني فيه لتجيب خبري

-ولك يا غظيبه انا بحبك وبموت في دباديبك بس حبيت امتحنك واشوف شو ردة فعلك يا هبله هو انا الي فهالدنيا غيرك يا مالت القزعه وبعدين الجيزه قسمه ونصيب وصدقيني يا فتحيه ما بتدري وين هو نصيبك متظليش تفكري لانو اذا فكرت كثير بتنهبلي وانت مش ناقصك هبل يا حبيبتي
-ابتعرف ؟ كلامك ولوني مش فاهم ولا اشي منه بس حلو
-هو هذا الاشي الوحيد الي محببني فيكي ومصبرني عليكي

رمت الحجر من ايدها ووقفت وهي بتكت في بنطلونها الزهر

واطلعت علي بنظره مثل نظرات المحقق كونان وقالتلي :
-طيب بدي اسألك سؤال : لليش النسوان الي بيجو يشوفني برجعوش ؟
-اه ... ؟ مشان اظل انا الي مبتلي فيكي يا حياتي
-طيب احكيلي قصة قيس وعنزة
-قيس وعنزة ؟ بعدين .. بعدين .... روحي ... روحي اسا الله اجعل عنزة الي توكل منخيرك يا فتحيه
-قبل ما اروح بدي افاجأك مفاجأة
-الله يستر شو في ؟
-سجلت في محو الاميه
-شو ؟
-بتعرف ليش
-ليش يا عسل ؟
-لانه نفسي اصير افهم شو الحكي الي بتحكيه
- مصيبه اذا صرتي تفهمي
- شو


- لا مافي اشي ... يالله هوينا
-بااااااااي



( قالتها من هون والعصافير الي عالشجر طارت من هون ) وراحت وانتبهت بالصدفه وصرت انادي عليها



-فتحيه .... فتحيه
-مالك شو بدك ؟


-ولك تعالي خذي شحشيطك مروحه حافيه الله يلعنك

" تأخذونيش العقل بالراس مزهريه "

الرجوع الى أعلى الصفحة اذهب الى الأسفل
جلنار
تميز وتواصل
تميز وتواصل
avatar

العمر : 34

مُساهمةموضوع: رد: فتحيه اجالها عريس   الإثنين سبتمبر 05, 2011 3:56 pm

" تأخذونيش العقل بالراس مزهريه "




الله يهني فتحية
ويهني العريس فيها

والله قصة روعةةةةةةةةةةةةةةةةةةةةةةةةةةةةةةةةة


فعلا العقل مزهرية



مشكور بهاء
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: فتحيه اجالها عريس   الإثنين سبتمبر 05, 2011 4:18 pm

ههههههههههههههههههههههههههههههههههههههه


من كل قلبي ضحكت الله يسعدك يا الغالي


شو ما كتبت بتمتعنا وبتبسطنا

الله لا يحرمنا جديدك

ههه ننتتتابلببب hghg
الرجوع الى أعلى الصفحة اذهب الى الأسفل
عبير البحر
تميز وتواصل
تميز وتواصل
avatar

العمر : 35

معلوماتك ألك
نوافذ شخصية نوافذ شخصية :

مُساهمةموضوع: رد: فتحيه اجالها عريس   الإثنين سبتمبر 05, 2011 4:23 pm

الصرااحه يا بهااء
احيانا العقل بالراس زينه
وع قولة بعض جمااعه بضل بورقتو عشان يضل مكفول
استمتعت كثير بالقصه
وبانتظار الكثير
وفتحيه حالها من حال كثير بنااات
لا تعليق اكثر

الرجوع الى أعلى الصفحة اذهب الى الأسفل
فدى التوحيد
داعم للموقع
داعم للموقع
avatar

العمر : 37

معلوماتك ألك
نوافذ شخصية نوافذ شخصية :

مُساهمةموضوع: رد: فتحيه اجالها عريس   الإثنين سبتمبر 05, 2011 4:35 pm

هههههههههههههههههههه

يا بهاء الله يعين فتحية عليك


ههههههههههههههه

قصة كثير حلووووووة

بس حرااام فتحية

[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: فتحيه اجالها عريس   الإثنين سبتمبر 05, 2011 6:35 pm

قصة كثير كثير حلوة

يعطيك ألف عافية بهاء الغالي

تحــــــــــــــــــــــــــــــياتي
الرجوع الى أعلى الصفحة اذهب الى الأسفل
 
فتحيه اجالها عريس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع الأجاويد :: الساحة الأدبية :: 
القصص والروايات
-
انتقل الى: